ព្យាបាលជំងឺរលាកក្រពះ និងបញ្ចុះទម្ងន់ ដោយប្រើទឹកដំឡូងបារាំង

ដំឡូងបារាំងត្រូវបានគេដឹងថា ជាបន្លែមើមដែលសម្បូរទៅដោយអាហារូបត្ថម្ភជាច្រើនមុខដែលជំនួយដល់សុខភាព និងសម្រស់ផងដែរ។

 ដោយគេអាចយកដំឡូងបារាំងធ្វើជាអាហារជាច្រើនមុខជំនួយសុខភាព ជាពិសេសថែមទាំងអាចយកដំឡួងបារាំងជាគ្រឿងផ្សំសម្រាប់ថែទាំសម្រស់ផ្ទៃមុខ និងដងខ្លួនក៏បាន។
អ្វីដែលអ្នកមិនធ្លាប់បានដឹងនោះ សូម្បីតែទឹកដែលចម្រាញ់ចេញពីដំឡូងបារាំងស្រស់ៗក៏ត្រូវបានគេដឹងថាមានគុណប្រយោជន៍ច្រើនដែរសម្រាប់ជំនួយសុខភាព ជាពិសេសគឺព្យាបាលជំងឺរលាកក្រពះ និងជួយអ្នកសម្រកទម្ងន់បានថែមទៀតផង។
ខាងក្រោមនេះជាគុណសម្បត្តិធំៗ និងវិធីធ្វើទឹកដំឡូងបារាំងស្រស់ៗដែលអ្នកគួរតែយល់ដឹង៖ 

# គុណសម្បត្តិទឹកដំឡូងបារាំង

- ជួយប្រឆាំង និងព្យាបាលការរលាកផ្សេងៗនៅក្នុងរាងកាយដូចជា ហើមតាមរាងកាយ រលាកសន្លាក់ឆ្អឹង និងរលាកក្រពះពោះវៀន
- ទប់ស្កាត់ជំងឺទាក់ទងនឹងសសៃឈាមបេះដូង និងជំងឺមហារីក
- ជំនួយឆ្អឹង សសៃសក់ ថែមទាំងជួយធ្វើឱ្យស្បែករបស់អ្នកស្រស់ស្អាត ក្មេងជាងវ័យ ជាពិសេសបំបាត់បញ្ហាស្បែកមុខ ដូចជាមុនជាដើម
- ជួយបន្ថយកម្រិតកូឡេស្តឺរ៉លមិនល្អ ធ្វើឱ្យសម្ពាធឈាមធ្លាក់ចុះមកប្រក្រតី និងធ្វើឱ្យជាតិស្ករក្នុងឈាមមានតុល្យភាពជំនួយអ្នកដែលមានជំងឺទឹកនោមផ្អែម
- ជំនួយដល់ប្រព័ន្ធរំលាយអាហារឱ្យដំណើរការល្អ បំបាត់ជាតិអាស៊ីតក្នុងក្រពះ និងជំនួយដល់ការសម្រកទម្ងន់
- ព្យាបាលជំងឺទាក់ទងនឹងក្រពះ ពោះវៀន ជួយបំបាត់ជំងឺដំបៅក្រពះ​ អាការទល់លាមក និងរាគរូសជាដើម។ 

គុណសម្បត្តិទឹកដំឡូងបារាំង

# វិធីធ្វើទឹកដំឡូងបារាំង

ការអនុវត្ត៖
- វិធីធ្វើងាយៗ ដោយគ្រាន់តែអ្នកយកដំឡូងបារាំង ១ ទៅ២ផ្លែ ចិតសម្បកឱ្យអស់ជាពិសេសឱ្យអស់ចំណុចខ្មៅៗ បន្ទាប់មកលាងទឹកឱ្យស្អាត កាត់ជាដុំល្មមៗ ងាយនឹងដាក់ចូលម៉ាស៊ីនកិនចម្រាញ់យកតែទឹក ឬអ្នកអាចប្រើម៉ាស៊ីនក្រឡុកសឹមយកស្បៃ ឬប្រដាប់ត្រងយកទឹកក៏បាន។
- បន្ទាប់មកអ្នកអាចទទួលទានទឹកដំឡូងបារាំងស្រស់ៗនេះបានហើយ ។

វិធីធ្វើងាយៗ ដោយគ្រាន់តែអ្នកយកដំឡូងបារាំង ១ ទៅ២ផ្លែ ចិតសម្បកឱ្យអស់ជាពិសេសចំណុចខ្មៅៗ

យកដំឡូងបារាំង ១ ទៅ២ផ្លែ ចិតសម្បកឱ្យអស់ជាពិសេសចំណុចខ្មៅៗ បន្ទាប់មកលាងទឹកឱ្យស្អាត កាត់ជាដុំល្មមៗ ងាយនឹងដាក់ម៉ាស៊ីនកិនចម្រាញ់យកតែទឹក ឬអ្នកអាចប្រើម៉ាស៊ីនក្រឡុកសឹមយកស្បៃ ឬប្រដាប់ត្រងយកទឹកក៏បាន

វិធីប្រើ៖
- សម្រាប់អ្នកដែលមានបញ្ហារលាកក្រពះ អ្នកគួរតែទទួលទានទឹកដំឡូងបារាំងនេះមួយថ្ងៃ ៣ដង ម្តងកន្លះពែង ឬកន្លះកែវ គឺរាល់ពេលមុនអាហារទាំង៣ពេល កន្លះម៉ោង។
- សម្រាប់អ្នកដែលចង់ធ្វើការសម្រកទម្ងន់ អ្នកគួរតែទទួលទានទឹកដំឡូងបារាំងនេះពេលពោះទទេ១ពែង មុនទទួលទានអាហារពេលព្រឹក និងម្តងទៀតពេលយប់មុនចូលគេង ២ ទៅ ៣ម៉ោង។ 

សម្រាប់អ្នកដែលមានបញ្ហារលាកក្រពះ អ្នកគួរតែទទួលទានទឹកដំឡូងបារាំងនេះមួយថ្ងៃ ៣ដង ម្តងកន្លះពែង ឬកន្លះកែវ គឺរាល់ពេលមុនអាហារទាំង៣ពេល កន្លះម៉ោង

ចំណាំ៖ ទឹកដែលចម្រាញ់ពីដំឡូងបារាំងមានរសជាតិពិបាកលេបបន្តិច និងមិនឆ្ងាញ់នោះទេ តែអ្នកអាចលាយទឹកដំឡូងបារាំងនេះជាមួយទឹកផ្លែឈើស្រស់ៗដូចជាទឹកការ៉ុត ឬបន្ថែមទឹកឃ្មុំដើម្បីបង្កើនរសជាតិក៏បាន៕ 

ទឹកដែលចម្រាញ់ពីដំឡូងបារាំងមានរសជាតិពិបាកលេបបន្តិច និងមិនឆ្ងាញ់នោះទេ តែអ្នកអាចលាយទឹកដំឡូងបារាំងនេះជាមួយទឹកផ្លែឈើស្រស់ៗដូចជាទឹកការ៉ុត ឬបន្ថែមទឹកឃ្មុំដើម្បីបង្កើនរសជាតិក៏បាន